Por E.P. | SANTIAGO DE COMPOSTELA | 24/05/2022 | Actualizada ás 14:08
O conselleiro de Sanidade, Julio García Comesaña, afirmou este martes que Galicia "cumprirá a norma igual" que ata agora tras a reforma sobre o aborto anunciada polo Goberno central porque "respondeu sempre ao que a normativa estableza". Así, a preguntas dos medios no marco dunha rolda de prensa, o conselleiro de Sanidade puntualizou que "os hospitais galegos teñen os dispositivos" para practicar interrupcións de embarazo.
"E cumpriremos a norma igual que a cumprimos ata agora", abundou para insistir en que "a normativa actual en Galicia está a cumprirse perfectamente", así como as modificacións, "cando cheguen", puntualizou.
"SEN DOCUMENTACIÓN"
Respecto diso, matizou que "todo isto é sen un só papel, sen un só documento" xa que se refire a "un anteproxecto anunciado en rolda de prensa". "Sen ningún tipo de documentación detrás que nos permita situarnos, porque seguimos sen coñecer máis nada que a nota de prensa do Consello de Ministros", criticou Comesaña.
Tras iso, insistiu en que "o manexo destas situacións en Galicia faise de acordo coa norma". "E cremos que en moitos casos de maneira satisfactoria para os profesionais que levan a cabo os procedementos, como para as pacientes que se someten a eles", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.