Aberto o prazo para solicitar a realización de fogueiras no San Xoán da Coruña
Pode pedirse a través do correo electrónico.
Por Europa Press / Redacción | A CORUÑA | 24/05/2022 | Actualizada ás 20:04
O Concello da Coruña abre o prazo para solicitar a realización de fogueiras, sardiñadas e churrascadas no San Xoán, segundo informa. As persoas interesadas deberán facer unha comunicación previa por escrito á área de Seguridade Cidadá. A solicitude para realizar estas actividades poderá presentarse a través do correo electrónico.
Tamén levará a cabo de maneira presencial nos rexistros municipais de María Pita, Franxa, Ágora e Fórum Metropolitano. Será necesario solicitar cita previa a través do 010 ou na páxina web municipal. As persoas interesadas deberán achegar, xunto coa autorización que estará dispoñible nas próximas horas, un esbozo da situación da actividade.
As mesmas, excepto as fogueiras, poderán realizarse entre as 13,00 e as 16,00 horas e entre as 20,00 e as 00,00 horas, do 17 de xuño ao 3 de xullo. As fogueiras no espazo público só estarán permitidas a noite do 23 de xuño.
