Por Europa Press / Redacción | OURENSE | 02/06/2022 | Actualizada ás 17:00
O Xulgado de Instrución nº1 de Ourense decretou este xoves prisión provisional comunicada e sen fianza para os tres detidos esta semana nunha operación contra o tráfico de drogas na cidade, que tamén tivo ramificacións en Vigo.
Segundo informaron fontes xudiciais, os tres detidos --dous deles en Ourense e un en Vigo-- pasaron este xoves a disposición xudicial, que decretou o seu ingreso en prisión por un delito contra a saúde pública.
Esta é unha das dúas operacións contra o tráfico de drogas que ao longo desta semana se levaron a cabo en Ourense e que deron como resultado unha decena de detencións.
No outro operativo, instruído polo xulgado número 3 da cidade das Burgas, foron detidas sete persoas, que está previsto que pasen tamén este xoves a disposición xudicial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.