O PP demanda no Congreso a activación da transferencia da AP-9 tras "oito meses de inxustificable atraso"
Fala de "anomalía" da que responsabilizan o "Goberno de Pedro Sánchez e Yolanda Díaz".
Por Europa Press / Redacción | Santiago de Compostela | 09/06/2022 | Actualizada ás 20:40
O PP demanda no Congreso a activación do relatorio lexislativo para a transferencia de titularidade e competencias da autoestrada AP-9 a Galicia. Os deputados populares Celso Delgado e Jaime de Olano censuran "oito meses de inxustificable atraso" desde a reunión constitutiva do relatorio, unha "anomalía" da que responsabilizan o "Goberno de Pedro Sánchez e Yolanda Díaz".
En decembro de 2019, iniciouse a súa tramitación despois dun apoio unánime do Parlamento galego para o traspaso. O debate de toma de consideración no Congreso tivo lugar en febreiro de 2021.
O 21 de setembro de 2021 tivo lugar a reunión constitutiva do relatorio. Os populares apuntan que desde aquela "non se volveu reunir para levar a cabo os seus traballos", o que reproba "tendo en conta que se acordou, ademais, a súa tramitación polo procedemento de urxencia".
O PP critica que "o PSOE se negue á transferencia, limitándoa a un traspaso da responsabilidade da administración e explotación, mentres o BNG prefire porse de perfil".
