O Concello da Coruña aproba un paquete de medidas para mellorar a mobilidade na cidade
Ten un orzamento de 6.112.081,44 euros.
Por E.P. | A Coruña | 14/06/2022 | Actualizada ás 19:51
O Concello da Coruña aprobou este martes, na Xunta de Goberno Local, os expedientes de contratación para un paquete de cinco medidas orientadas á mellora na mobilidade na cidade, cun orzamento total de 6.112.081,44 euros correspondentes unha parte dos fondos Next Generation.
Segundo informa o goberno local, promoverase a monitorización e sensorización das zonas peonís reguladas e as zonas de carga e descarga ante a futura implantación dunha Zona de Baixas Emisións (ZBE) na Coruña que incluirá melloras na sinalización.
Ademais, porase en marcha unha campaña de sensibilización e concienciación dirixida á cidadanía. Tamén se deu luz verde á renovación integral do equipamento da sala municipal de control de Tráfico, entre outras medidas.
