Un octoxenario ferido de gravidade tras ser atropelado en Monforte

Un home duns 80 anos de idade resultou ferido de gravidade ao ser atropelado este xoves no concello de Monforte de Lemos.Segundo informou a Policía Local, o suceso tivo lugar ás 10,17 horas na rúa Roberto Baamonte.

O home foi alcanzado polo vehículo cando cruzaba a calzada á altura dun negocio de venda de materiais de construción.

Ao momento acudiron os efectivos do 061, que atenderon o ferido e trasladárono ao hospital da localidade para recibir asistencia sanitaria.

Ambulancia do 061 | Fonte: 061-GALICIA.