Restablecida a circulación ferroviaria con destino Galicia afectada polo lume na Serra da Culebra
Deste xeito e de forma progresiva, os trens de alta velocidade que unen Madrid e Galicia comezan a prestar servizo nesta liña.
Por E.P. | SANTIAGO DE COMPOSTELA | 19/06/2022 | Actualizada ás 12:10
Adif recibiu esta mañá, ás 10.25 horas, permiso das autoridades para restablecer a circulación ferroviaria no tramo Zamora -Sanabria que desde onte se atopaba interrompida polo incendio na Serra da Culebra.
Deste xeito e de forma progresiva, os trens de alta velocidade que unen Madrid e Galicia comezan a prestar servizo nesta liña, informa Adif a través dun comunicado remitido a Europa Press.
Renfe está a informar a través de todas as súas canles de comunicación aos viaxeiros: nos trens, estacións, servizos de atención ao cliente, mediante sms ou mail, nas redes sociais, ou no teléfono 912 320 320 e na web renfe.com.
"Desde o inicio da afectación, Renfe destinou todos os seus recursos e esforzo para atender aos viaxeiros afectados por unha situación excepcional provocada por este incendio", conclúe o comunicado.
