Extinguido o incendio forestal declarado en Viana do Bolo tras queimar cinco hectáreas
Comezou ás 17.18 horas do martes.
Por Europa Press / Redacción | OURENSE | 06/07/2022 | Actualizada ás 10:09
O incendio forestal declarado na tarde deste martes no municipio ourensán de Viana do Bolo quedou extinguido na noite da mesma xornada tras queimar cinco hectáreas de superficie.
Segundo os datos facilitados a Europa Press pola Consellería do Medio Rural, este incendio quedou extinguido ás 21,30 horas do martes tras declararse ás 17,18 horas da mesma xornada na parroquia de Pexeiros.
Despois de quedar estabilizado este incendio forestal ás 19,42 horas do martes, ás 21,30 horas deuse por extinguido tras queimar 3,5 hectáreas arboredos e 1,5 de monte raso, concretou Medio Rural.
Para os labores de extinción deste lume foron mobilizados tres axentes, sete brigadas, catro motobombas, catro helicópteros e dous avións, indicaron as mesmas fontes.
