Por Europa Press / Redacción | Santiago de Compostela | 05/08/2022 | Actualizada ás 20:03
Dúas persoas resultaron feridas na tarde deste venres na localidade pontevedresa de Caldas de Reis tras producirse un accidente entre un coche e un camión cisterna que transportaba gasóleo.
Segundo informou o 112 Galicia, os feitos ocorreron sobre as 13,15 horas e foi un particular o que alertou aos servizos de emerxencia da existencia dun accidente entre un camión e un coche na N-640, no punto quilométrico 232, á altura de Godos, en Caldas de Reis.
A pesar de que na chamada asegurou que non había persoas atrapadas, si indicou que había feridos, polo que se alertou os servizos de emerxencias, que tiveron que evacuar o condutor do camión ao Hospital do Salnés con feridas de diversa consideración. Pola súa banda, o condutor do coche desprazouse polos seus propios medios ao mesmo centro hospitalario.
Ademais, foron informados os Bombeiros de Ribadumia, a Garda Civil de tráfico, a Policía Local, os efectivos de Protección Civil e o Servizo de Emerxencias de Vilagarcía, así como o persoal de mantemento da vía.
Precisamente foi necesario interromper a circulación nun carril da estrada para proceder á evacuación dos feridos. Ademais, houbo que esperar á chegada do guindastre para retirar o camión sinistrado, o que facilitou o traballo dos operarios para restablecer as condicións da vía na súa totalidade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.