(Vídeo) No corazón do incendio de Caldas de Reis: "hai que escapar de aquí"

Galicia segue ardendo. Con máis de 3.000 hectáreas calcinadas ao longo desta semana, o país segue afondando na que será recordada como a peor vaga de lumes dende que hai rexistro escrito, un horror aínda máis grande do lembrado nese anos 2017 en que as lapas tisnaron a contorna de Vigo e en non poucas cidades cheiraba a queimado.

Nun contexto de repetición no que xorden lumes distintos a cada xornada, é sinxelo esquecer a dureza inherente ao traballo dos moitos bombeiros que día a día xogan a pel para frear o avance da combustión e poñer casas e persoas a salvo. Nas últimas horas vén de xurdir un vídeo publicado en RRSS que amosa unha tensa situación no corazón do lume: "hai que escapar de aquí".

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Savia Nova (@savia_nova)

O vídeo ambiéntase entre as chamas do Monte Xiabre, un dos cumios afectados polo lume que leva xa 450 hectáreas calcinadas na parroquia de Saiar, no municipio de Caldas de Reis, e que afecta tamén a Vilagarcía de Arousa. Na extinción colaboran seis técnicos, 16 axentes, 53 brigadas, 42 motobombas, cinco pas, dúas unidades técnicas de apoio, sete avións e 11 helicópteros. Se o vídeo non se reproduce no teu navegador, podes atopalo neste enlace.