Por Europa Press / Redacción | SANTIAGO DE COMPOSTELA | 18/08/2022 | Actualizada ás 18:46
A CIG subliña que os datos sobre natalidade do Instituto Nacional de Estatística (INE) "confirman" e "veñen demostrar" que a lei de impulso demográfico que aprobou o Parlamento galego cos votos do PP é un "gran fracaso".
A través dun comunicado de prensa, a secretaria de mulleres da central, Nicolasa Castro, advirte de que desde a súa aprobación a situación "non só non mellorou senón que empeorou".
Castro critica que a norma "apenas" recolle medidas concretas e "non incide nas causas" que provocan o declive demográfico, como desemprego, precariedade, desmantelamento industrial e despoboamento do rural. "O problema non é que as mulleres queiramos ter fillos ou non. O problema é que sen traballo e condicións laborais dignas, nin querendo poderiamos", avisa.
Ademais, "as administracións seguen desentendéndose das prestacións dos servizos de coidados con garantías para traballadoras e usuarios", censura. Estas "carencias" de servizos sociais públicos provocan, segundo argumenta, que os coidados "sigan recaendo maioritariamente nas mulleres".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.