Queres coñecer as previsións do tempo para o outono?

O 1 de setembro dará comezo o outono climatolóxico con boa parte de Galicia sufrindo unha grave seca. A isto súmaselle a entrada na época de maior risco de choivas torrenciais. Segundo o modelo de Meteored, setembro será un mes máis cálido do normal, seguindo a tendencia dun verán que rexistrou altas marcas por altas temperaturas. 

En gran parte da Península e Baleares os rexistros poderían ser de entre 1 e 1,5 ºC por encima da media. Nos Pireneos e no extremo sur superarán en 0,5 ou 1 ºC a media destas datas. Tamén en Galicia os termómetros poderían oscilar en torno a 1º.

Con todo, espérase que as temperaturas tendan a normalizarse segundo vaia avanzando o outono. En outubro en moitas zonas poderían darse temperaturas de 0,5 a 1 ºC máis altas respecto dos valores habituais para a época, mentres que en novembro non se aprecian anomalías respecto á media deste mes.

O TEMPO EN SETEMBRO

En setembro prevese menos choiva do normal en boa parte de Galicia, mentres que haberá máis chuvascos no mediterráneo. De feito, en outubro e novembro poderíanse agudizar as diferenzas entre as vertentes atlántica e mediterránea. Na primeira, o resto do outono podería ser moito máis seco do normal, o que podería agravar a seca en zonas que están xa nunha situación complicada. Pola contra, outubro e novembro poderían ser máis chuviosos do normal en Cataluña, Baleares, Comunidade Valenciana, Rexión de Murcia e arredores.

Non se esperan moitas borrascas atlánticas este outono debido ás previsións de anticiclón que roldará os Azores e Centroeuropa, bloqueando a chegada das baixas presións. En cambio, si se intúe unha corrente en chorro ondulada que podería desencadear en vaguadas ou DANAs na Península, especialmente en zonas do Mediterráneo.