Xuventudes Socialistas quere incidir nas estratexias de comunicación de cara ás municipais
Organiza unha Escola de Verán, con participación de alcaldesas e edís
Por Europa Press / Redacción | SANTIAGO DE COMPOSTELA | 27/08/2022 | Actualizada ás 11:00
Xuventudes Socialistas de Galicia presentou este venres a súa Escola de Verán, que se celebrará os días 3 e 4 de setembro na Coruña, segundo informaron os seus responsables, en rolda de prensa. O programa contará coa participación de alcaldesas, concelleiras e persoas expertas en comunicación.
Eduardo Astray, secretario xeral de Xuventudes Socialistas na Coruña, reivindicou a esta formación como clave "para unha acción política que incida de forma positiva na vida da cidadanía"
Pola súa banda, a coordinadora provincial, Paula Castiñeiras, destacou un programa que busca formar á militancia "en cuestións municipais coa finalidade de integrarnos nas listas para as próximas eleccións locais de 2023".
Pola súa banda, o secretario de Organización do PSdeG, José Manuel Lage, apuntou ás iniciativas das Xuventudes Socialistas, co apoio do partido, "xa que os mozos son o futuro e o presente do país". Tamén aludiu á política como unha "ferramenta" para cambiar a sociedade.
