Un ferido tras bater dous barcos na zona de Corrubedo
Non chegou a precisar asistencia médica.
Por E.P. | SANTIAGO DE COMPOSTELA | 30/08/2022 | Actualizada ás 14:33
Unha persoa resultou lesionada, aínda que sen requirir asistencia médica, como resultado dun choque entre unha embarcación motora e un veleiro na zona de Corrubedo, segundo informou a Europa Press Salvamento Marítimo.
Sobre as 13,07 horas recibiron o aviso dunha abordaxe entre un veleiro de bandeira norueguesa e unha embarcación motora de Portosín, a 1,2 millas ao norte do faro de Corrubedo. Tamén sinalaron que se rexistraron danos, pero non vía de auga, e apuntaron que unha persoa da motora "resultou lesionada" sen requirir asistencia médica.
Ao lugar, precisaron desde Salvamento Marítimo, desprazouse a Salvamar 'Regulus' desde Fisterra e deuse aviso tamén á Garda Civil do sucedido.
