Por E.P. | SANTIAGO DE COMPOSTELA | 01/09/2022 | Actualizada ás 14:48
O presidente da Xunta, Alfonso Rueda, lamentou que a rebaixa do IVE do gas anunciada este xoves "chega tarde" porque é unha medida que "leva pedindo seis meses".
"Perdemos unha chea de meses", sentenciou o mandatario autonómico cuestionado na rolda de prensa posterior ao Consello da Xunta pola baixada ao 5% do IVE do gas, avanzada polo presidente do Goberno, Pedro Sánchez.
Para Rueda, a "conclusión" de que esa rebaixa "chega tarde" pode extraela "todo o mundo" pois, segundo recalcou, era un asunto demandado pola cidadanía e por "moitos" presidentes autonómicos, "tamén socialistas".
"Había que tomala, a pena é que se tome con tanto atraso", incidiu Rueda, que considera que a forma de actuar do Executivo central co IVE do gas "fai presaxiar" que "moitas outras cousas non se fan ata o último minuto" e que o Goberno accede a adoptalas cando as "pide todo o mundo".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.