Por Europa Press / Redacción | SANTIAGO DE COMPOSTELA | 05/09/2022 | Actualizada ás 15:06
Axentes da Policía Autonómica identificaron ao presunto autor de dous incendios forestais intencionados rexistrados o pasado mes de agosto no municipio coruñés da Pobra do Caramiñal.. n concreto, informaron, os lumes tiveron lugar entre o 5 e o 14 de agosto e calcinaron uns 3.600 metros cadrados de superficie arboredo.
Os incendios foron provocados en días diferentes preto dunha área recreativa con zona boscosa, un a cada lado do camiño e aproveitando a dirección do vento para conseguir a propagación efectiva das chamas.
No decurso da investigación foi fundamental a colaboración cidadá, xa que a declaración de testemuñas posibilitou a identificación e detención do presunto autor. A Policía Autonómica remitiu as dilixencias polos feitos ao Xulgado de Ribeira. No que vai de ano, a Policía Autonómica leva investigadas 42 persoas como presuntas autoras de incendios forestais.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.