Atendidas 70 persoas en 60 accidentes durante a fin de semana
Houbo un morto.
Por Europa Press / Redacción | Santiago de Compostela | 12/09/2022 | Actualizada ás 16:17
O 061 atendeu 70 persoas en 60 accidentes de tráficos rexistrados a pasada fin de semana. En concreto, a central da Estrada recibiu 66 chamadas por sinistros.
O domingo foi o día con máis sinistros, cun total de 26 accidentes de tráfico. Por provincias, 23 tiveron lugar na Coruña, 22 en Pontevedra, oito en Lugo e sete en Ourense.
De tal forma, mobilizáronse 68 recursos sanitarios. As ambulancias de soporte vital avanzado acudiron a sete accidentes, mentres que as ambulancias asistenciais de soporte vital básico fixeron o propio en 56 sinistros.
En 58 casos, os feridos foron trasladados aos centros sanitarios correspondentes. En 11 ocasións, atendeuse no propio lugar do accidente, á vez que unha persoa faleceu no punto do accidente.
