Por Galicia Confidencial | Compostela | 15/09/2022 | Actualizada ás 14:48
O presidente da Xunta, Alfonso Rueda, insistiu este xoves en defender a actuación do Sergas durante o verán e negou a existencia de caos na sanidade pública, especialmente, na atención primaria, tal e como denunciaron partidos políticos, profesionais e plataformas de usuarios. "Foi relativamente tranquila e normal", dixo sobre o acontecido durante o verán.
En rolda de prensa tras o Consello da Xunta, Rueda defendeu así o manifestado polo seu conselleiro de Sanidade quen tamén quitou importancia ao acontecido na Atención Primaria en varias localidades galegas, mesmo coa morte dun paciente nun centro de saúde. Neste sentido, o presidente galego recoñeceu que houbo "incidencias puntuais", debidas á "escaseza de persoal en momentos puntuais".
"A escaseza do persoal, o aumento dos visitantes durante o verán e a grande extensión que ten Galicia podería facer que a situación fora difícil pero foi relativamente tranquila e normal", indicou. "Houbo incidencias puntuais como houbo en anos anteriores e como haberá os seguintes", engadíu.
Neste sentido, destacou que Galicia fixo o seu traballo e agarda que o Goberno central "tamén faga o seu" --aumentar máis prazas MIR-- para "minimizar" o problema no futuro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.