Por E.P. | SANTIAGO DE COMPOSTELA | 16/09/2022 | Actualizada ás 15:05
A Valedora do Pobo publicou a segunda edición da obra 'Falamos de Feminismo', que nesta ocasión recolle, entre outros temas, o impacto de xénero por mor da pandemia da Covid-19 e a "necesidade" de que esta crise non supoña "un retroceso no nivel de igualdade alcanzado entre mulleres e homes.
A publicación, que se pode consultar a través da páxina web da institución, preocúpase tamén pola integración dos avances logrados nas políticas públicas de reconstrución e no dereito. A obra, tal e como destacan nun comunicado, recolle as achegas de especialistas solicitadas entre agosto de 2020 e do mesmo mes de 2021.
"Falamos de Feminismo' pretende ser, máis que nunca, un punto de encontro para situar a igualdade de xénero na corrente central de todas as relacións sociais e no centro de todas as políticas públicas, de forma que as aspiracións, necesidades e preocupacións das mulleres sexan atendidas na mesma medida que as dos homes", explicou a valedora, Dolores Fernández Galiño.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.