Rueda: "Haberá un altisimo nivel de vacinación"

A vacinación contra o virus do papiloma, que por primeira vez incorporouse ao calendario dos novos homes, arrincou este xoves en Galicia con cen picadas a mozos. Neste sentido, o presidente da Xunta, Alfonso Rueda, subliñou que aínda se está dando información ás familias da existencia desta vacina para os homes (ata agora só se puña ás mulleres) e da "conveniencia" de protexer a ambos os sexos contra este virus --que padecen máis as mulleres pero que os homes transmiten--.

Así, o presidente da Xunta espera que a resposta das familias sexa a habitual e haxa unha alta afluencia de vacinación, así como tamén cando en novembro arrinque a inmunización contra a Meninxite B para todos os bebés nados desde setembro deste ano (esta vacina ten xa un índice amplo de implantación pero sufragábana os proxenitores).

Así as cousas, Rueda mostrouse convencido de que os pais e nais "responderán como sempre" e haberá "un altisimo nivel de vacinación". Así, afirmou que "os beneficios" desta medida --con 5 millóns de euros-- veranse directamente" e lembrou que os expertos pediátricos así o recomendan.

SOBRE AS DIFICULTADES DO VERÁN

Doutra banda, preguntado pola situación da atención primaria, Rueda insistiu en que el non vai negar "" as "incidencias" que houbo, pero defendeu que "en xeral, o nivel de atención mantívose" e buscouse cubrir "as carencias" que veñen "derivadas dunha falta recoñecida e denunciada de falta de persoal".

Vacinación a nenos | Fonte: EFE-GC.