Morre un motorista nun accidente cun turismo en Viana do Bolo

Un motorista perdeu a vida este luns tras colidir a moto na que circulaba contra un turismo na parroquia de Pexeiros, no concello ourensán de Viana do Bolo.

Segundo trasladou o 112 Galicia, un particular advertía sobre as 15,10 horas deste accidente no punto quilométrico 6 da estrada OU-533. Nesta comunicación, o alertante reclamaba asistencia para o motorista.

Con esta información, os xestores do 112 deron aviso aos servizos sanitarios, que mobilizaron un helicóptero medicalizado, pero nada puideron facer por salvar a vida do motorista. Ata o lugar tamén se desprazou a Garda Civil de Tráfico, a Policía Local e o GES da Gudiña.