Inés Rey, sobre a súa reunión con Rueda: "Quero que A Coruña siga liderando Galicia e sexa o motor do noroeste"

A alcaldesa herculina, Inés Rey, manifestou que acudirá ao encontro que manterá esta tarde co presidente da Xunta, Alfonso Rueda, con "a firmeza que require defender os intereses da Coruña".

"E de infraestruturas pendentes", dixo sobre unha reunión que terá lugar na Delegación Territorial da Xunta na cidade herculina. Do contido, expuxo que o seu obxectivo é tratar "aqueles temas importantes que requiren da colaboración de ambas as institucións".

Farao, engadiu, con "espírito construtivo e de lealdade institucional". "Pero coa firmeza que require defender os intereses da Coruña e as infraestruturas pendentes". "Máis aló das lóxicas e lexítimas diferenzas ideolóxicas", admitiu Rey, quen apelou á "responsabilidade" cos cidadáns e cidadás da Coruña para que esta cidade "lidere Galicia e siga sendo o motor económico do noroeste".

A alcaldesa da Coruña, Inés Rey, en rolda de prensa tras a Xunta de Goberno Local | Fonte: Andy Pérez - Europa Press