O concurso Fran Pérez 'Narf' de música xa ten as súas bandas finalistas
A proposta gañadora será elixida durante unha gala final que terá lugar no Teatro Colón da Coruña o 19 de novembro
Por E.P. | A CORUÑA | 04/10/2022 | Actualizada ás 17:18
O xurado do concurso Fran Pérez 'Narf' para grupos e artistas musicais que promove a Deputación da Coruña decidiu elixir, como bandas finalistas a Noar, Mallou e Madalena Gamalho.
Segundo informa a institución provincial, a proposta gañadora será elixida durante unha gala final que terá lugar no Teatro Colón da Coruña o 19 de novembro e que estará aberta ao público, previa retirada de invitacións.
O concurso ten como obxectivo difundir, apoiar e promocionar aos grupos e artistas musicais de diferentes comarcas e localidades galegas, así como difundir socialmente a figura e a obra do músico Fran Pérez 'Narf'.
Este ano chega ao seu XVI edición unha iniciativa que conta, entre os seus gañadores, con bandas como Pena, gañadora en 2021, Caldo, Mounqup, Bala ou Familia Caamagno, entre outras.
