Por E.P. | A CORUÑA | 11/10/2022 | Actualizada ás 15:19
A Deputación da Coruña publicou no Boletín Oficial da Provincia (BOP) as resolucións das dúas liñas de subvencións dirixidas a entidades para a realización de actividades e investimentos de promoción económica neste ano 2022. En total, segundo informa, outorgará 89 axudas, que suman 722.275,81 euros.
Estes programas diríxense a entidades sen ánimo de lucro como colexios e asociacións profesionais; cámaras de comercio; entidades asociativas e representativas dalgún sector profesional, comercial ou empresarial; e asociacións de veciños e veciñas e de mulleres rurais.
No caso da liña para a realización de actividades, que suma un investimento de 441.360,33 euros, son 65 as entidades beneficiarias dunhas contías que oscilan entre os 2.553,49 euros e os 9.500 euros.
Noutra orde de cousas, o organismo provincial informou do financiamento, a través do Plan Único, do proxecto para a pavimentación das dúas vías anexas ao campo de fútbol das Redondas, na parroquia de Cesullas do Concello de Cabana de Bergantiños.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.