Sobe un 17,3% o número de persoas que usan o transporte urbano en Galicia en agosto

Faino por baixo da media estatal.

Por E.P. | SANTIAGO DE COMPOSTELA | 13/10/2022 | Actualizada ás 10:58

Comparte esta noticia

O número de persoas que utilizaron o transporte urbano en Galicia situouse nos 3,84 millóns no mes de agosto, o que supón un incremento do 17,3% en comparación co mesmo período de 2021, segundo datos publicados este xoves polo Instituto Nacional de Estatística (INE), recollidos por Europa Press.

Esta cifra supón un incremento inferior ao da media estatal, xa que no total de España o número de persoas que viaxaron en autobuses urbano creceu un 20,7% en agosto, ata 98,35 millóns de persoas. No que vai de ano o número de usuarios en Galicia aumentou un 21,6%, mentres que en toda España subiu un 28,6%.

DATOS ESTATAIS DE TRANSPORTE

A nivel estatal, o transporte marítimo, a alta velocidade e os autobuses de longa distancia foron os medios favoritos da poboación do Estado para viaxar durante este verán, sempre segundo datos do INE, que indican que máis de 277,2 millóns de pasaxeiros utilizaron o transporte público en España o pasado mes de agosto, un 26,1% máis que no mesmo mes do ano 2021.

Un total de 8,8 millóns de usuarios utilizaron o transporte aéreo en España no oitavo mes do ano (un 15,3% máis), mentres que 2,68 millóns escolleron o tren de Longa Distancia para os seus desprazamentos (+29,6%). Dentro deste segmento, os viaxeiros que utilizaron o AVE sumaron un total de 1,74 millóns de usuarios (+38,4%).

O transporte ferroviario foi utilizado en España o pasado mes de agosto por máis de 34,9 millóns de viaxeiros, un 24,7% máis que o ano anterior, dos cales 29,9 millóns foron usuarios de proximidade (+24,1%); 2,3 millóns de Media Distancia (+27,5%), e 2,6 millóns de Longa Distancia (+29,6%).

Pola súa banda, o transporte interurbano por autobús foi utilizado por 49,1 millóns de viaxeiros, cifra un 29,4% superior á de agosto de 2021, mentres que o transporte marítimo disparouse un 38,6%, ata superar os 1,87 millóns de usuarios.

Bus urbano en Ourense
Bus urbano en Ourense | Fonte:

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta