Por E.P. | SANTIAGO DE COMPOSTELA | 22/10/2022 | Actualizada ás 19:43
Unha persoa tivo que ser trasladada este sábado tras sufrir unha saída de vía no municipio de Paderne de Allariz, en Ourense.
Segundo informa o 112, o propio particular implicado no accidente foi o que alertou ao servizo tras o ocorrido, poucos minutos antes das 17,00 horas, "que se queixaba de dor nun brazo e solicitou asistencia sanitaria".
Tras saírse da vía, no quilómetro 17 da OU-101 ao seu paso pola parroquia de San Xillao de Figueiroá, en Paderne de Allariz, os membros do GES de Maceda que se desprazaron ata o lugar indicaron que o coche estaba semivolcado, pero non entorpecía a circulación nin era necesario excarcerar.
Ademais dos efectivos do GES, desde o 112 deuse aviso a Urxencias Sanitarias de Galicia-061 e á Garda Civil de Tráfico. Unha vez no punto, o persoal médico asistiu ao ferido e finalmente trasladouno en ambulancia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.