A Xunta confirma que non haberá tarxeta moedeiro en 2023

Non destarta "outro tipo de medidas" acordes á situación actual.

Por Europa Press / Redacción | SANTIAGO DE COMPOSTELA | 26/10/2022 | Actualizada ás 13:53

Comparte esta noticia

O director xeral de Inclusión Social, Arturo Parrado, confirmou que en 2023 non haberá 'tarxeta moedeiro', no entanto, a Xunta ten previstas "outro tipo de medidas" de apoio ás persoas vulnerables acondicionadas á situación actual.

O director xeral de Inclusión Social, Arturo Parrado, no Parlamento.
O director xeral de Inclusión Social, Arturo Parrado, no Parlamento.

Parrado explicou que o 'cartón moedeiro' foi "unha axuda excepcional para unha situación excepcional de pandemia" e en 2023, "vendo como vaia a situación" poñeranse a disposición "todos aqueles recursos necesarios" para que as persoas vulnerables poidan ter cubertas as súas necesidades. "Hai que pór solucións no momento".

Así o manifestou tras a presentación este mércores na Coruña dun convenio de colaboración con Cruz Vermella de acompañamento e apoio a persoas en situación de vulnerabilidade extrema.

INCREMENTO DO ORZAMENTO

Os orzamentos da Xunta para o próximo ano, segundo destacou, inclúen "medidas orientadas a estas circunstancias". "Incrementamos de forma considerable as axudas de inclusión social, en importe imos pasar de catro a cinco millóns de euros". O secretario xeral lembrou que o 'cartón moedeiro' tivo unha duración de dous anos --desde o 1 de xuño de 2020 até o 30 xuño de 2022-- e un investimento "importante" de máis de 40 millóns de euros.

As persoas recibían entre 450 e 900 euros, segundo a carga familiar, para poder comprar alimentos, produtos de hixiene e necesidades básicas. "Había que dar cobertura de forma inminente e no menor tempo posible, agora estamos nunha situación distinta", puntualizou. Segundo o coordinador autonómico de Cruz Vermella, Joaquín Varela, en Galicia repartíronse "máis de 58.000 cartóns", cifra que supón "un mínimo de 30.000 persoas" beneficiadas.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta