Impiden o acceso a Navantia Ferrol a traballadores que superan as 60 horas semanais
A medida sorpresa provocou importantes retencións no barrio de Esteiro, de Ferrol.
Por Europa Press / Redacción | Compostela | 28/10/2022 | Actualizada ás 10:01
Integrantes do comité de empresa de Navantia Ferrol, composto por delegados dos sindicatos CCOO, CIG, CGT, MAS e UGT, impediron á primeira hora deste venres o acceso ao estaleiro dos empregados de 45 empresas auxiliares e de principal, debido a que os seus operarios, segundo os datos que manexan, superaron as 60 horas semanais.
Dita acción sorpresa finalizou sobre as 9,00 horas e os traballadores entraron ao estaleiro, pero esta situación motivou importantes retencións de tráfico no barrio de Esteiro, nas proximidades de ambas as portas de acceso.
O comité de empresa de Navantia Ferrol xa anunciara que poría en marcha acciones sorpresa para reclamar que ningún operario que traballe nestas instalacións poida superar as 60 horas semanais, unha medida de protesta que foi aprobada o pasado xoves, día 20, en asemblea.
A parte social acusa á dirección da empresa de ter "unha colaboración reducida para poder controlar as horas" que están a realizar sobre todo polos traballadores das empresas auxiliares.
