Falece o ciclista ferido en Caldas de Reis que caera nunha pista forestal
O 112 pasou aviso ao 061, que informou da mobilización do helicóptero medicalizado con base en Santiago de Compostela á parroquia de Carracedo.
Por Europa Press / Redacción | SANTIAGO DE COMPOSTELA | 30/10/2022 | Actualizada ás 20:05
Faleceu o ciclista que, na mañá deste domingo, resultaba ferido en Caldas de Reis ao sufrir unha caída mentres circulaba por unha pista forestal.
Segundo informa o 112, foi un particular o que avisou ao servizo do ocorrido ao redor das 11,30 horas, solicitando ademais asistencia médica para o ferido, que perdera o coñecemento.
O 112 pasou aviso ao 061, que informou da mobilización do helicóptero medicalizado con base en Santiago de Compostela á parroquia de Carracedo, onde se produciu o suceso. A aeronave tomou terra nas proximidades do lugar do accidente poucos minutos despois.
Ademais, tamén os feitos tamén se puxeron en coñecemento dos axentes da Garda Civil e dos efectivos de Protección Civil de Caldas de Reis e Cuntis.
