Por Europa Press / Redacción | SANTIAGO DE COMPOSTELA | 31/10/2022 | Actualizada ás 12:36
Os profesionais de Urxencias Sanitarias 061 atenderon ao longo do fin de semana un total de 62 persoas feridas en 44 accidentes de circulación rexistrados nas estradas galegas que deixaron dous falecidos.
No último fin de semana de outubro, a central de coordinación do 061 recibiu 57 chamadas sobre accidentes de tráfico que xeraron 44 asistencias sanitarias, segundo trasladou a Xunta este luns. Das 62 persoas atendidas, o 61% eran homes e o 39%, mulleres; e maioritariamente tiñan idades comprendidas entre os 20 e os 34 anos.
A Coruña foi a provincia con maior número de accidentes con 20, seguida por Pontevedra con 13. En Lugo houbo sete e en Ourense, catro. Nestas intervencións, 49 persoas foron derivadas a hospitais, once foron atendidas no lugar do accidente e dous morreron no punto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.