Temas: ADIF RENFE CGT TREN

O sindicato CGT denuncia que Renfe bloqueou 42 trens pola folga de traballadores do 7 de novembro

Respecto da reposición de servizos suprimidos, lembran que o Ministerio de Transportes xa autorizou a volta desas circulacións, "que non circulan porque non hai persoal de condución e intervención para cubrilos".

Por E.P. | SANTIAGO DE COMPOSTELA | 03/11/2022 | Actualizada ás 19:00

Comparte esta noticia

A CGT denunciou que Renfe viaxeiros mantén bloqueada a venda de 42 servizos ferroviarios do 7 de novembro a causa, aseguran, da folga convocada polo sindicato para ese mesmo día.

A central sindical chamara á folga tanto o luns 7 como o venres 11 de novembro "para incidir" na negociación do ConvenioColectivo e reclamar a reposición de todas as circulacións de trens aínda suprimidos tras a pandemia, así como un aumento de contratación de persoal "que permita dar o servizo nuns niveis óptimos de calidade".

Respecto da reposición de servizos suprimidos, lembran que o Ministerio de Transportes xa autorizou a volta desas circulacións, "que non circulan porque non hai persoal de condución e intervención para cubrilos". Apuntan ademais a que durante esta semana se establecerá o acordo de servizos mínimos para os días de parón.

Polo momento, os 42 servizos citados polo sindicato aparecen na aplicación e a web da empresa pública como trens completos. Entre eles hai oito circulacións que saen da Coruña e outras tantas de Vigo --incluído un Alvia a Madrid que parte ás 5,50 horas--. Tamén cinco servizos desde Ourense, un desde Santiago --o das 20,25 horas a Vigo-- e 10 de proximidade (área de ferrolterra, principalmente).

A Madrid, ademais do citado, aparecen outros que teñen como orixe a capital e como destino a cidade olívica --o das 6,20 e o das 16,00 horas--. Supostamente bloqueados estarían tamén catro servizos internacionais, os que unen Vigo e O Porto.

RECLAMACIÓNS

No comunicado, a CGT lembra que coa convocatoria de folga, á que están chamados 14.000 traballadores, buscan negociar unha subida salarial lineal que sexa garante do IPC real; un aumento do persoal a contratar en 2023, "convertendo os contratos temporais en contratación indefinida"; unha normativa de mobilidade "transparente e xusta"; a eliminación das categorías de ingreso que xeran "unha dobre escala salarial"; a implantación da xornada de 35 horas en cómputo semanal; a negociación na xornada do persoal de Intervención; e medidas para posibilitar a conciliación da vida familiar e laboral.

Varias persoas fan cola para adquirir un abono gratuíto na estación de trens, a 24  de agosto de 2022, en Santiago de Compostela, A Coruña, Galicia, (España). Os usuarios de Renfe en Galicia poden adquirir desde hoxe os abonos gratuítos. O Gobie. César Arxina - Europa Press
Varias persoas fan cola para adquirir un abono gratuíto na estación de trens, a 24 de agosto de 2022, en Santiago de Compostela, A Coruña, Galicia, (España). Os usuarios de Renfe en Galicia poden adquirir desde hoxe os abonos gratuítos. O Gobie. César Arxina - Europa Press

Temas: ADIF RENFE CGT TREN
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta