A CNT interpón unha demanda no TSXG por conflito colectivo contra o Consorcio Galego de Benestar

A sección sindical da CNT no Consorcio tamén rexistrou unha petición ás vicepresidentas da Comisión para a Igualdade do Parlamento de Galicia para que traten este asunto no seo da citada comisión.

Por Galicia Confidencial | Santiago | 08/11/2022 | Actualizada ás 14:37

Comparte esta noticia

O sindicato CNT interpuxo ante o Tribunal Superior de Xustiza de Galicia unha demanda en materia de conflito colectivo contra o Consorcio Galego de Igualdade e Benestar. Esta demanda incide na situación de temporalidade do persoal do Consorcio, "que está a ser obxecto dun prolongado conflito laboral" apuntan desde a forza sindical.

Protesta de traballadores en folga ante o Consorcio de Igualdade e Benestar
Protesta de traballadores en folga ante o Consorcio de Igualdade e Benestar | Fonte: CNT.

O conflicto está baseado, segundo a CNT, "na especial problemática de discriminación indirecta por razón de sexo que sesga a situación de temporalidade do servizo, pois afecta a unha porcentaxe superior ao 90% de mulleres". Esta porcentaxe sería moi superior á temporalidade na Xunta de Galicia, que se sitúa nun 70% de mulleres e un 30% de homes.

A CNT sinala que esta política discriminatoria do Consorcio estase aplicando con criterios arbitrarios e aparentemente neutrais que "xerarían un efecto adverso sobre as mulleres". En concreto, desde a central sindical apuntan que a convocatoria a través de contratación temporal no ano 2007 de toda a estrutura do Consorcio “supuxo un agravio para as mulleres, que son o 90% do persoal, xa que accederon a un emprego precario e as súas condicións de traballo son temporais en lugar de ser estables",

Isto tamén afecta á súa protección fronte ao despedimento e "poden ser cesadas pola cobertura das prazas as que accederon por concurso-oposición por persoas que só teñen que acreditar méritos, dos que o 70% corresponde a antigüidade". O Consorcio creouse en 2007.

Toda esta situación, apuntan, estarían a incumprir normas legais fundamentais en materia de igualdade, como poden ser "a directiva europea de igualdade de oportunidades e igualdade de trato entre homes e mulleres en asuntos de emprego e ocupación, a Carta de Dereitos Fundamentais da Unión Europea, a Carta Social Europea e as leis españolas para a igualdade efectiva entre mulleres e homes, a igualdade de trato e a non discriminación".

A sección sindical da CNT no Consorcio tamén rexistrou unha petición ás vicepresidentas da Comisión para a Igualdade do Parlamento de Galicia para que traten este asunto no seo da citada comisión e citen a comparecer ante ela ao xerente do Consorcio, o señor Perfecto Rodríguez Muiños.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta