Por E.P. | A CORUÑA | 08/11/2022 | Actualizada ás 18:12
O Goberno transferiu este martes 1,6 millóns de euros en axudas mediante un abono á Confraría de Pescadores da Coruña polas compensacións comprometidas ao sector marisqueiro da ría do Burgo, debido ás obras de dragado.
Así o informa, nun comunicado, a subdelegada do Goberno na Coruña, María Rivas, quen subliña que se trata dun "compromiso cumprido" por parte do Executivo central.
Esta é a primeira anualidade das axudas que acordou o Ministerio para a Transición Ecolóxica e o Reto Demográfico aos e as profesionais en compensación pola paralización da súa actividade mentres duren as obras de rexeneración da ría.
En total, e de acordo coa orde ministerial que se aprobou para xestionar e materializar estas axudas, o Goberno abonará 3,6 millóns de euros ata o ano 2024 en varias anualidades polas indemnizacións comprometidas aos 78 afectados, explica.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.