A Xunta insta o Goberno central a "ter en conta" ás comunidades na tramitación da Lei de Familias

Valora a Estratexia de erradicación da violencia contra a infancia, pero alerta de que as propostas non van acompañadas de financiamento

Por E.P. | SANTIAGO DE COMPOSTELA | 08/11/2022 | Actualizada ás 19:46

Comparte esta noticia

O Goberno galego instou este martes ao Executivo central a ter en conta ás comunidades na tramitación da futura Lei de Familias. O director xeral de Familia, Infancia e Dinamización Demográfica, Jacobo Rei, participou no pleno da Conferencia sectorial de Infancia e Adolescencia, onde alertou de que este proxecto normativo podería afectar a ámbitos de actuación que agora mesmo están regulados polas comunidades.

O director xeral advertiu de que, coa aprobación desta nova lei estatal, é probable que sexa preciso modificar as normativas de carácter autonómico que abordan esta mesma materia. Por este motivo, solicitou ao Executivo central coñecer o contido do proxecto lexislativo para poder facer requirimentos ou suxestións e tamén o prazo no que será remitido ás comunidades.

ESTRATEXIA DE ERRADICACIÓN DA VIOLENCIA

Así mesmo, a reunión do pleno da Conferencia sectorial de Infancia e Adolescencia foi o foro no que o Goberno central presentoulles ás comunidades o contido da 'Estratexia de erradicación da violencia contra a infancia e a adolescencia'. Jacobo Rei indicou que o documento presenta propostas interesantes, pero avisou de que non establece "canles de financiamento para aplicala".

Neste sentido, apuntou que, no que respecta ao financiamento, a estratexia tan só refírese "á dispoñibilidade orzamentaria das administracións públicas competentes". Por iso, salientou a importancia de acompañar estas propostas "dos fondos suficientes para materializalas e ser útiles para os cidadáns".

O director xeral de Familia, Infancia e Dinamización Demográfica, Jacobo Rei, responde a preguntas orais na Comisión 5ª de Sanidade, Política Social e Emprego. XOÁN CRESPO
O director xeral de Familia, Infancia e Dinamización Demográfica, Jacobo Rei, responde a preguntas orais na Comisión 5ª de Sanidade, Política Social e Emprego. XOÁN CRESPO

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta