Por E.P. | SANTIAGO DE COMPOSTELA | 14/11/2022 | Actualizada ás 11:18
Urxencias Sanitarias de Galicia- 061 asistiu, durante o fin de semana, a un total de 68 persoas debido a 55 accidentes de tráfico ocorridos nas estradas galegas entre as 15 horas do venres e as 23,59 horas do domingo 13 de novembro.
Segundo informou o 061, o domingo foi o día que se rexistraron máis sinistros, con 24 accidentes de tráfico. En relación a todos eles, recibiu 70 chamadas que xeraron 55 asistencias, o 58 por cento de homes. Así mesmo, o 31 por cento dos atendidos tiña entre 45 e 59 anos.
Por provincias, Pontevedra foi a que máis sinistros rexistrou este fin de semana, con 24 accidentes, seguida da Coruña (21), Lugo (5) e Ourense (5). O 061 mobilizou 71 medios para todos estes accidentes: ambulancias de soporte vital avanzado (oito accidentes), as ambulancias asistenciais de soporte vital básico (59 sinistros) e os equipos de atención primaria que completan a dotación das ambulancias asistenciais de soporte vital básico (catro accidentes).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.