Ferido un dos ocupantes dun vehículo accidentado en Oza-Cesuras

Unha persoa resultou ferida nun accidente de tráfico rexistrado no concello coruñés de Oza-Cesuras e que obrigou os bombeiros a liberar á vítima, que quedara atrapada.

Segundo a información do 112-Galicia, o primeiro aviso chegou ás 16,00 horas, cando un particular solicitaba asistencia sanitaria para os implicados nunha saída de vía á altura do quilómetro 17 da AC-840, na parroquia de Filgueira de Barranca.

Ata a zona desprazouse o helicóptero medicalizado do 061 con base en Santiago, que chegou a tomar terra e a atender ás persoas implicadas, aínda que non trasladou a ninguén. Pola súa banda, a ambulancia mobilizada trasladouse ao hospital ao copiloto do vehículo.

Ademais, tamén participaron no operativo a Garda Civil de Tráfico e os servizos de mantemento das estradas, que terminaron de despexar o asfalto sobre as 18,15 horas.