Localizan falecida a unha muller tras declararse un incendio na súa vivenda en Petín
Por Europa Press / Redacción | OURENSE | 17/11/2022 | Actualizada ás 19:50
Os servizos de emerxencias localizaron falecida a unha muller de idade avanzada tras declararse un incendio na súa vivenda na localidade ourensá de Petín. O 112 Galicia recibiu a chamada dun particular sobre as 16,30 horas desta tarde, na que alertaba de que saía lume dunha casa no lugar de Outeiro, en Petín. Ademais, o alertante apuntaba que había unha persoa no seu interior.
Os xestores do 112 procederon a avisar ao persoal de Urxencias Sanitarias de Galicia-061, aos Bombeiros e ao GES de Valdeorras; así como á Garda Civil e l Protección Civil de Petín. Xa no lugar, os servizos de emerxencias localizaron á muller e o persoal sanitario só puido certificar a súa morte. Os Bombeiros deron por finalizada a súa intervención preto das 18,00 horas.
LUME EN RIBADEO
Por outra banda, o 112 informa doutro incendio rexistrado esta tarde nun piso dun edificio de seis plantas en Ribadeo, concretamente na Avenida de Asturias. O falso teito dunha das habitacións veu abaixo por mor das altas temperaturas, pero o único ocupante da vivenda non sufriu danos.
