O PPdeG acusa ao BNG de falicitar a aprobación duns presupostos que "marxinan a Galicia"
Por E.P. | SANTIAGO DE COMPOSTELA | 21/11/2022 | Actualizada ás 16:04
A secretaria xeral do PPdeG, Paula Prado, censurou a postura do BNG, cuxo deputado no Congreso, Néstor Rego, confirmou este luns que a formación se absterá nas votacións finais dos Orzamentos Xerais do Estado (PGE) para 2023, que terán lugar esta semana no Pleno da Cámara, coa excepción das seccións de Casa Real e Defensa, onde os nacionalistas galegos votarán en contra.
En redes sociais, Prado lembrou que o PP xa dixera que o Bloque "facilitaría" a aprobación duns PGE que "marxinan a Galicia" e lamentou que este luns se "confirme".
"Unha abstención que significa porse de perfil ante os ataques de Sánchez á nosa comunidade. A hipocrisía independentista en todo o seu esplendor", sentenciou.
"O BNG non é capaz de votar en contra duns Orzamentos prexudiciais para Galicia, pero si que vota en contra do apartado de Defensa. A alma soviética do independentismo galego non soporta que se axude a Ucraína e prefire porse á beira de Putin", agregou.
