Por Europa Press / Redacción | SANTIAGO DE COMPOSTELA | 24/11/2022 | Actualizada ás 10:40
Toda o litoral galego continúa este xoves en aviso laranxa por un temporal costeiro que deixou ondas de ata 8 metros de altura fronte á cidade da Coruña.
O temporal que durante esta semana afecta a todo o litoral de Galicia continuará polo menos dous días máis, aínda que as predicións apuntan a unha mellora das condicións a partir do mediodía do venres.
Ata ese momento permanecerá activa a alerta laranxa da Axencia Estatal de Meteoroloxía (Aemet), que o xoves motivou a declaración do aviso en toda a costa por parte da Dirección Xeral de Emerxencias.
O vento e a ondada provocan unha situación moi inestable na costa, especialmente fronte á Coruña, onde se rexistraron ondas de ata oito metros de altura en Punta Langosteira, segundo os medidores de Portos do Estado.
Os refachos de vento foron menores durante a pasada madrugada en comparación coa anterior. Así, como reflicte os datos de Meteogalicia, non se superaron os 100 quilómetros hora en ningún punto da costa, aínda que o vento soprou forte tanto no sur --86 km/h en Oia-- como no norte --78,8 km/h en Viveiro--.
RECOMENDACIÓNS
Ante esta alerta, a Xunta lembra a importancia de manterse afastado da primeira liña de costa, é dicir, diques, rompientes e paseos marítimos.
Así mesmo, apela a extremar as medidas de seguridade se se realizan actividades preto ou no mar e que se revisen os cabos e amarres das embarcacións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.