Un incendio deixa danos materiais nunha nave no concello das Pontes
Segundo a información recibida polo servizo ao redor das 18,30 horas, víase saír fume do interior dunha nave de vehículos na localidade de Sa de Arriba.
Por Europa Press / Redacción | A Coruña | 03/12/2022 | Actualizada ás 20:38
Un incendio causou danos materiais na tarde deste sábado no taller dunha nave en Vilavella, no concello coruñés das Pontes de García Rodríguez.
Tal e como informou o 112, non houbo que lamentar danos persoais nin tampouco se viu afectada a estrutura da nave; unicamente arderon algunhas chapas de policarbonato no lateral.
Segundo a información recibida polo servizo ao redor das 18,30 horas, víase saír fume do interior dunha nave de vehículos na localidade de Sa de Arriba.
Púxose en marcha entón un operativo no que participaron ademais dos Bombeiros do Eume, efectivos de Urxencias Sanitarias de Galicia-061, axentes da Garda Civil e persoal de Protección Civil da localidade. Así mesmo, as autoridades ambientais da Xunta de Galicia tamén foron informadas.
Os equipos de intervención apuntan a que a orixe do lume puido ser un contedor, sacado ao exterior polos propios traballadores. Unha vez apagadas as chamas, os servizos de emerxencia procederon a ventilar e comprobar a zona.
