Aparecen pintadas nun tren en Catoira con referencias ao accidente do Alvia: 'O maquinista non foi'

Tanto o persoal do tren como algúns pasaxeiros, que censuraron ademais a pintada, tentaron evitar o acto vandálico, aínda que sen éxito.

Por Europa Press / Redacción | SANTIAGO DE COMPOSTELA | 04/12/2022 | Actualizada ás 19:53

Comparte esta noticia

Un grupo de mozos vandalizou na tarde deste sábado un tren en Catoira con pintadas que, en referencia ao xuízo polo accidente do Alvia ocorrido en 2013, reclamaban "xustiza" e afirmaban que "o maquinista non foi".

Tal e como compartiron en redes sociais algúns dos pasaxeiros que á primeira hora da tarde realizaban o traxecto A Coruña-Vigo, un grupo de mozos que ocultaban a súa identidade con gorros e carapuchas, 'grafitearon' con aerosois diversas partes do convoi.

Tanto o persoal do tren como algúns pasaxeiros,que censuraron ademais a pintada, tentaron evitar o acto vandálico, aínda que sen éxito.

O maquinista do Alvia sinistrado o 24 de xullo de 2013, Francisco Garzón, é un dos procesados polo ocorrido na curva compostelá de Angrois xunto ao director de seguridade na circulación de Adif naquel momento, Andrés Cortabitarte.

Tren vandalizado en Catoira (Pontevedra), en referencia ao xuízo do accidente do Alvia de 2013
Tren vandalizado en Catoira (Pontevedra), en referencia ao xuízo do accidente do Alvia de 2013 | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta