Doan 153.483 euros e 211.050 quilos de alimentos na recollida de Gadis para familias desfavorecidas

Todos os puntos de venda da compañía en Galicia e Castela e León participaron nesta acción solidaria que promove a Federación Española de Bancos de Alimentos.

Por E.P. | Santiago de Compostela | 12/12/2022 | Actualizada ás 14:16

Comparte esta noticia

Os clientes de Supermercados Gadis doaron, na 'Gran recollida', un total de 153.483 euros e 211.050 quilos de produtos de alimentación non perecedoiros, mostrando "o seu lado máis solidario" coas familias desfavorecidas.

Supermercado Gadis.
Supermercado Gadis. | Fonte: GADIS - Europa Press.

Todos os puntos de venda da compañía en Galicia e Castela e León participaron nesta acción solidaria que promove a coa mirada posta no Nadal.

"Comer non é un luxo" é o lema co que se lanzou en 2022 a campaña que, no caso dos Gadis, desenvolveuse desde o 25 de novembro ata o pasado 3 de decembro, xornadas nas que contaron coa colaboración de voluntarios, a implicación do equipo humano e, fundamentalmente, a "gran xenerosidade dos seus clientes".

Supermercados Gadis repartirá a axuda entre os 11 bancos de alimentos cos que coopera habitualmente: Rías Altas (A Coruña, Ferrol e Santiago), Lugo, Ourense, Vigo, Ávila, León, Palencia, Ponferrada, Salamanca, Valladolid e Zamora.

Estas entidades, á súa vez, distribuirano de forma directa entre as asociacións e ONG que atenden a máis de 30.000 familias con poucos recursos de Galicia e Castela e León.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta