Galicia estréase nos programas de acollida familiar cunha trintena de fogares participantes
Por Europa Press / Redacción | SANTIAGO DE COMPOSTELA | 15/12/2022 | Actualizada ás 18:52
Uns 30 fogares galegos participarán no primeiro programa de acollida familiar especializada, que expón un modelo no que polo menos un dos proxenitores dispoña dunha cualificación profesional específica para levar a cabo esta tarefa ou ben conte con traxectoria e formación neste ámbito.
Así o avanzou o director xeral de Familia, Infancia e Dinamización Demográfica, Jacobo Rey, en resposta a unha pregunta presentada polo Grupo Popular na Comisión 5ª de Sanidade, Política Social e Emprego do Parlamento de Galicia, celebrada este xoves.
Esta experiencia deseñada pola Administración autonómica busca que menores con problemas de conduta, de saúde ou necesidades específicas recaian en ambientes de acollida nas que poidan dispor de axuda formada ou profesional a través dalgún dos membros da familia.
O programa porase en marcha a través dun concerto social cunha entidade especializada neste campo, que será a encargada de seleccionar ás familias, xestionar as acollidas e levar a cabo un plan de intervención e seguimento.
Trátase da primeira vez na que se levará a cabo en Galicia unha iniciativa deste tipo, que xa se desenvolve nalgunhas comunidades como País Vasco, Navarra, Valencia ou Canarias.
