Licitada a senda peonil entre Santiago e a parroquia de Figueiras que pasará polo monte Pedroso

Custará case un millón de euros.

Por E.P. | SANTIAGO DE COMPOSTELA | 16/12/2022 | Actualizada ás 13:51

Comparte esta noticia

A Deputación da Coruña sacou a licitación pública este venres o proxecto de construción dunha senda peonil entre Santiago e a parroquia de Figueiras, na DP-7803, cunha partida de 941.049 euros.

Segundo sinalou o órgano provincial nun comunicado, o prazo para a presentación de ofertas no proceso de licitación pública terminará o 10 de xaneiro e o obxectivo é mellorar a seguridade viariay crear un novo itinerario peonil.

O presidente provincial, Valentín González Formoso, destacou que esta actuación terá unha lonxitude de 2,5 quilómetros e conectará nalgúns tramos con camiños que se dirixen ou proceden do Monte Pedroso, "nos que se rexistra un elevado número de camiñantes".

Nesta liña, engadiu que con esta licitación "e dáse resposta a unha necesidade e a unha antiga demanda de mellora da seguridade peonil nesta zona de Santiago". Nesta nova senda materialízase a través da ampliación da beiravía, que pasa do medio metro actual ata os 2,8 metros de ancho, o que permite establecer unha senda máis ancha.

Unha das zonas do Campus Sur da USC onde se instalará unha 'senda segura'
Unha das zonas do Campus Sur da USC onde se instalará unha 'senda segura' | Fonte: USC

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta