Rescatan sen vida a unha persoa que caeu ao mar no Naútico da Coruña tras pedir auxilio

Os servizos de emerxencia rescataron este sábado a unha persoa que caera ao mar na zona entre Palexco e o Náutico, na Coruña. Xa fora da auga, os servizos sanitarios trataron de reanimalo, pero faleceu.

Segundo trasladou o 112 Galicia, varias persoas puxéronse en contacto coa central de emerxencias sobre as 06,00 horas para alertar de que escoitaban desde o pantalán os berros dunha persoa pedindo auxilio neste punto.

Con esta información, os operadores do 112 puxeron en marcha o operativo de rescate no que participaron profesionais do Servizo de Urxencias Sanitarias de Galicia-061, Bombeiros da Coruña, Policía Nacional e Policía Local.

Unha vez fóra da auga, a vítima recibiu asistencia médica por parte dos profesionais sanitarios, que non puideron facer nada por salvarlle a vida. Segundo fontes consultadas por Europa Press, as forzas de seguridade tratan de esclarecer as circunstancias deste suceso. Non é a primeira vez que morren persoas nesa zona do porto da Coruña. 

Porto da Coruña