Sabes canto lixo xeran os peregrinos só nos albergues?

Milleiros de peregrinos xeran toneladas e toneladas de lixo ao longo de todo o Camiño. Ecoembes xa puxo unha cifra moi concreta e limitada só ao albergues.

Por Europa Press / Redacción | SANTIAGO DE COMPOSTELA | 29/12/2022 | Actualizada ás 11:41

Comparte esta noticia

A organización ambiental sen ánimo de lucro Ecoembes sinalou que os peregrinos depositaron este verán un total de 141 toneladas de envases nas papeleiras dos albergues.

Segundo trasladou Ecoembes nun comunicado, estes datos son parte do proxecto 'Camiño da Reciclaxe', posto en marcha xunto á Xunta de Galicia co obxectivo de concienciar aos peregrinos sobre a importancia de conservar a ruta do Apóstolo libre de lixo.

En concreto, foron depositados 40.273 quilos de residuos no colector amarelo --correspondente a envases de plástico, latas e briks -- e 100.433 no colector azul, de envases de papel e cartón.

Ademais, agradeceu o traballo dos 214 'ecoalbergues' que se sumaron a esta iniciativa de concienciación dos camiñantes e ás 15 Oficinas de Turismo que participaron de forma activa no proxecto.

Imaxe duns peregrinos recollendo envases este verán
Imaxe duns peregrinos recollendo envases este verán | Fonte: ECOEMBES

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta