Case 500 fogares en Galicia sen electricidade por problemas coa rede de Naturgy
Núcleos de Tomiño, Mos e Teixeiro están sen luz desde as 18.00 horas do xoves. Nalgunhas zonas a empresa habilitou xeradores de emerxencia.
Por Galicia Confidencial | Tomiño | 29/12/2022 | Actualizada ás 23:20
Case 500 fogares galegos están sen electricidade por problemas coa rede de subministración de Naturgy, algúns deles, desde as 18.00 horas.
Así, e segundo puido confirmar Galicia Confidencial hai averias en parroquias de Tomiño e Mos, en Pontevedra e Teixeiro, na Coruña. En Mos son 171 os fogares sen electricidade, 154 en Tomiño e 137 en Teixeiro. Algunhas destas zonas, en concreto en Tomiño e Teixeiro levan desde pouco despois das 18.00 horas sen luz, mentres que a avería en Mos é de das 20.40 horas.
Segundo fontes de Naturgy consultadas por Galicia Confidencial, as avarías de Tomiño e Mos débense a problemas con cables subterráneos e hai xa equipos da compañía traballando na zona. De feito, en certas zonas xa funcionan xeradores que comezaron a suministrar electricidade ás vivendas.
Con todo e, ás portas do Fin de Ano, son moitas as familias que temen que, de prolongarse moito o corte de electricidade, poidan perder moitos dos productos que teñen mercado para a cea dese día e que se atopan conxelados ou no frigorífico. Ademais, este corte de luz tivo lugar xustamente nun día de temporal e algunhas persoas teñen problemas de inundacións en baixos e garaxes ao non poder funcionar as bombas de achique, tal e como puido comprobar GC.
