Por E.P. | SANTIAGO DE COMPOSTELA | 30/12/2022 | Actualizada ás 18:34
A deputada do PP no Parlamento galego Marta Novoa será a candidata dos populares á Alcaldía de San Cibrao das Viñas nas eleccións autonómicas do próximo mes de maio.
A actual tenente de alcalde no municipio ourensán toma a substitución do actual rexedor, Manuel Pedro Fernández, que non optará á reelección dun cargo que ostenta desde o ano 2011.
Segundo recolle un comunicado, a designación de Novoa como cabeza de lista nas eleccións locais da próxima primavera foi ratificada pola dirección galega do Partido Popular.
A parlamentaria manifestou que Manuel Pedro Fernández "deixa o listón moi alto" e avanzou que o actual alcalde formará parte da súa lista nas eleccións.
Así mesmo, agradeceu a confianza depositada nela tanto pola dirección autonómica como pola provincial, cuxo presidente, Manuel Baltar, cualificou a Novoa como unha "excelente candidata" que achegará "nova enerxía" e "visión innovadora" a un concello "dinámico" e "de moito futuro".
Nada en 1980, Marta Novoa é graduada en Engeniería Industrial Mecánica e desenvolveu a súa traxectoria profesional no sector aeronáutico. En 2011 foi elixida edil no municipio ourensán e desde 2016 é deputada no Parlamento galego, onde presidiu a comisión de Industria, área na que exerce na actualidade como portavoz do Grupo Popular.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.