Os peregrinos máis madrugadores achéganse á Catedral nas primeiras horas deste 2023

Os peregrinos máis madrugadores, como o caso dunha moza madrileña que coa indumentaria máis apropiada para protexerse da choiva deixouse fotografar este domingo no Obradoiro, achegáronse este primeiro día do 2023 á Catedral movidos polo desexo de ser os primeiros do ano.

Despois dun bienio xacobeo atípico e de récord, ao que se puxo fin o 31 de decembro co peche da Porta Santa ata 2027, foron varios os peregrinos e visitantes que este 1 de xaneiro desafiaron a meteoroloxía adversa para visitar a capital galega.

Como ocorreu na última xornada do 2022, foi unha constante a presenza de chuvasqueiros e paraugas, pola apremiante necesidade de protexerse das inclemencias do tempo.

O Camiño de Santiago foi, e continúa sendo, o roteiro máis antigo, máis concorrido e máis celebrado do vello continente.