O catedrático da USC Rubén Lois, elixido como correspondente internacional da Axencia de Xeografía Arxentina

Por Europa Press / Redacción | SANTIAGO DE COMPOSTELA | 03/01/2023 | Actualizada ás 18:39

Comparte esta noticia

O catedrático de xeografía da Universidade de Santiago de Compostela (USC), Rubén Lois González, foi nomeado como académico correspondente universal pola Academia Nacional de Xeografía da República Arxentina tras unha reunión ordinaria celebrada pola asociación a finais de decembro.

Rubén Lois, que tamén ostenta o cargo de vicepresidente da Unión Xeográfica Internacional desde o 2018, recibiu esta condecoración por parte dunha Academia que é a representante no país do Instituto Panamericano de Xeografía e Historia.

A Constitución oficial da Academia permite integrar no seu interior a membros de distintas institucións e asociacións xeográficas de dentro e fóra do país.

A Academia Nacional de Xeografía mantén a súa sede na Casa das Academias en Buenos Aires, lugar ao que se desprazará o profesor da USC no mes de maio para formalizar a súa incorporación como académico.

Alí estará acompañado pola ex reitora da Universidade Autónoma de Madrid e ex conselleira do Estado, Josefina Gómez Mendoza, que tamén será membro por España da Academia.

O catedrático de xeografía da Universidade de Santiago de Compostela, Rubén Lois González
O catedrático de xeografía da Universidade de Santiago de Compostela, Rubén Lois González | Fonte: USC

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta